【Day 43】
棉花堡，細細個就已經聽過佢個名，個時曾經以為佢係棉花糖既朋友。
又搭成十個鐘夜車先到，初初有人同我講："棉花堡無哂水架啦，唔去也罷！"但又係個句，一場黎到無理由唔整個白鴿轉架嘛。
一入到去要除鞋，其實地下係好"吉"。慢慢行上去已經覺得不枉此行。當見到好多人面上都掛住滿足既笑容，自己都份外開心。
好彩，棉花堡仲有水！但遊客好似比水更多…要影一張無人既相就真係難過登天！你可以係度著泳衣浸水，仲可以玩水！可惜我唔知無準備！天啊！
行完後面仲有好大個古城咁既物體，大熱天時再烈日當空下行左幾個鐘，除左覺得自己就中暑外，我已經曬燶左，然後，有人問我：你係咪越南/新加坡/馬來西亞人。
但又好彩，無人問我係咪來自非洲。
Blog：http://backpackersopoor.blogspot.hk/
Blog:http://blog.ulifestyle.com.hk/blogger/backpackersopoor/
Search